Саналы ғұмырымда елімізде болып жатқан оқиғалардан қалыс қалған кезім жоқ. Жер туралы баспасөз беттерінен, телеарналардың күнделікті жаңалықтарынан оқып, естіп жатырмын. Жер кодексі жөнінде білгендіктен, бұл мәселеде тақа қобалжыған жоқпын.
Қалыптасқан жағдайдың барлық проблемасын түсінемін. Ал, заңнамадағы түзетулерді тұрғындар, әсіресе, қала тұрғындары жете түсінбей отыр. Жерді шетелдіктерге жалға беру ел ырыздығын еселеу үшін қажет.
Болашақ пен заңға деген сенім Қазақстанның жарқын болашағы жолының жарық сәулесі болып табылады. Заңнамадағы жаңа нормаларды қолданысқа енгізуге мораторий жарияланды. Мен бұл шешімді толық қолдаймын. Жер ауыл шаруашылығы қажеттілігі үшін тек қана қазақстандықтарға сатылуы тиіс.
Төлеген ЕРДЕН,
Қарлыкөл негізгі мектебінің мұғалімі.
Зеренді ауданы.
