Астанада Қазақстандағы Канада елшілігі «Қуырылған ет маусымын» одан әрі жалғастыруда.
Бүгінгі таңда әрбір астаналық тұрғын «Көрме» павильонының маңындағы «Нұржол» бульварында «премиум» қуырылған еті мен сапалы сүт өнімдерінің дәмін тегін тата алады. Мұнда Қазақстанда бірінші рет «Агри-Энималс» мамандандырылған мал шаруашылығының көрмесі болып өтті. Онда Канада мен Қазақстан арасындағы мал шаруашылығы саласы серіктестігінің тәжірибелік жетістіктері ұсынылды. Канададан әкелінген технология мен асыл тұқымды малдың генетикасының арқасында кез-келген қазақстандық етті тұқымды ангус немесе герефордтың қуырылған етін және өнімділігі жоғары голштин тұқымынан алынған жоғары сапалы сүт өнімдерін сатып алуға мүмкіндік алды.
Екі елдің арасындағы ынтымақтастық өткен ғасырдың 1950 жылдары басталып, егіншілік саласында инновациялық тәжірибе алмасылды. Кейін Қазақстан өз тәуелсіздігін алғаннан кейін бұл жұмыстар «Агробизнес-2020» мемлекеттік бағдарламасын жүзеге асыру барысында одан әрі жанданды. Бұл күнде канадалық сарапшылар қазақстандық фермерлермен мал шаруашылығы саласындағы озық генетика, технология және тәжірибелерімен бөлісу мүмкіндігіне ие. Осының нәтижесінде канадалық мамандар мен олардың қазақстандық әріптестері Астана тұрғындарына Канада елшілігінің ұйымдастыруымен алғаш рет өз өнімдерін ұсынды.
«Арқа ажарының» өз ақпараты.
