Қазақстан Республикасы Бас прокуратурасының құқықтық статистика және арнайы есепке алу жөніндегі комитетінің төрайымы Сәуле Айтпаева облыс активімен кездесу өткізіп, бір топ азаматтарды жеке қабылдады.
Аталмыш шараның мақсаты – құқықтық мәдениетті, сондай-ақ, азаматтардың прокуратура органдарына деген сенімін арттыру болып табылады. Шара барысында Сәуле Мұханбедианқызы құқықтық статистика органдары қызметінің негізгі бағыты сотталғандығының болуы немесе жоқтығы, әкімшілік құқық бұзушылықтар туралы мәліметтер беру, азаматтардың өтініштерінің тіркелуі мен қаралуын, қылмыстық құқық бұзушылықтар туралы арыздардың есепке алынуы мен тіркелуін бақылау, мемлекеттік органдар жүргізетін тексерістердің заңдылығын қадағалау болып табылатындығын айта келіп, кәсіпкерлік нысандарының бірыңғай тіркелуінің жобалары, қылмыстық құқық бұзушылықтар картасы, жол-көлік оқиғасының электронды картасы және комитеттің ақпараттық қызметін қолдануға байланысты басқа да мәселелер жайлы түсініктемелер берді.
Қатысушыларға құжаттарды апостильдеу, тұлғамен қылмыстық құқық бұзушылықтың жасалғандығы туралы мәліметтің болуы немесе болмауы туралы анықтаманы, мұрағаттық анықтамалар мен құжаттардың көшірмелерін беру бойынша комитетпен көрсетілетін мемлекеттік қызметтерді алу тәртібі түсіндірілді.
Комитет төрайымы жеке қабылдауда болған азаматтардың қызығушылық танытқан мәселелеріне толыққанды жауап берді.
Жанат СӘБИТОВ.
Суретті түсірген Берік ЕСКЕНОВ.
