Ақмола облыстық мәслихатының депутаты Ғалым Бекмағамбетов бірнеше жылдан бері көкшетаулық Темірғалиевтер отбасын қанатының астына алып, қайырымдылық көмек көрсетіп келеді. Бұл үйдегі үш баланың екеуі мүгедек.
Әмір мен Әмина целлебралды салдың (ДЦП) ең ауыр түріне шалдыққан. Екеуі де мүгедектер арбасына таңылған, өз беттерінше жүріп, тұра алмайды. Анасы Әсем екі баланың күтімімен үнемі үйде, олар тек отағасының жалақысына қарап отыр, бұдан өзге балалардың дәрі-дәрмектері, реабилитациялық шығындары, күнделікті тамақ, киім-кешек, пәтерақысы бар.
1 маусым – халықаралық балаларды қорғау күні Ғалым Мәдешұлы Әмір мен Әминаға арнайы келіп, отбасына материалдық көмек көрсетті. Бір сәтке болсын балалардың жүзінен қуаныш лебін көрген анасы Әсем қасиетті Рамазан айында жасалған жақсылық Алладан қайтсын деген тілегін жеткізді.
«Нұр Отан» партиясы АОФ баспасөз қызметі.
