«Арқа ажары» газетінің шолушысы Бақберген Амалбеков бірінші аймақтық «Aqmola Tourism Awаrds» байқауында үшінші жүлделі орынды жеңіп алды. Еске сала кетейік, курортты аймақты дамытуға арнап тұңғыш рет өткізіліп отырған дүбірлі жарысқа тек жергілікті ақпарат құралдары ғана емес, республикалық басылымдар да қатысқан еді. Қай тақырыпқа да қалам тербеп жүрген әріптесімізді жүзден жүйрік шығып, туризмге арналған конкурста жүлделі орыннан көрінуімен құттықтай отырып, алдағы уақытта да осындай жетістіктерге жете беруіне тілектестігімізді білдіреміз.
