Қазақстан Республикасының Президенті Қасым-Жомарт Тоқаев Қырғыз Республикасына мемлекеттік сапармен барды.

Қасым-Жомарт Тоқаев пен Қырғыз Республикасының Президенті Сооронбай Жээнбеков Бішкектегі «Ата бейіт» Ұлттық тарихи-мемориалдық кешенінде болды. Мемлекеттер басшылары 1916 жылғы қайғылы оқиға кезінде қаза болғандарға орнатылған ескерткішке гүл шоғын қойды.Содан кейін Қасым-Жомарт Тоқаев пен Сооронбай Жээнбеков көрнекті қырғыз жазушысы Шыңғыс Айтматовтың қабіріне барып, рухына тағзым етті.