Тəуелсіздігіміздің тұғырын нығайту, ел бірлігі мен ынтымағы жолында қызмет ету, өңірдің тарихын, кешегісі мен бүгінгісін, жақсы-жайсаңдарын кеңінен жазып
көрсету басылымымыздың басты мұраты болса, алдағы жылы заман талабына сай газетіміздің бет-бейнесін одан əрі жақсартып, мазмұнын арттыра түсу тұрғысында да ойға алған келелі жоспарларымыз бар.
«Арқа ажары» газетінің оқырмандары үшін тағы бір жағымды жаңалық – келесі жылға газетіміздің жазылу бағасы өзгеріссіз қалды. Ол жеке жазылушылар үшін 6 айға – 2000 теңге, 12 айға– 4000 теңге;мекемелер мен ұйымдар үшін 6 айға – 3000 теңге, 12 айға– 6000 теңге көлемінде белгіленіп отыр. Бұл – газетіміздің баспаханадан шығу бағасы. Оған жергілікті пошта қызметі қосылады. Поштаның қызмет көрсету бағасы аудандардың ара қашықтықтарына байланысты əртүрлі болуы мүмкін.
Бұған қоса, газетімізге бір жылға 3000 теңгеге жеңілдетілген бағамен де жазылуларыңызға болады. «Арқа ажары» газетіне бір жылға нақ осы жеңілдетілген бағамен жазылу тиімді боларын естеріңізге саламыз. «Арқа ажары» газетіне кез-келген пошта бөлімшесіне барып, жазылуға болады.
