Қазақстан Республикасы Президенті жанындағы Орталық коммуникациялар қызметі алаңында өткен онлайн брифинг барысында UMC клиникалық иммунобиология, аллергология және пульмонология бағдарламасының жетекшісі, «АстМУ» КеАҚ Нефрология, гемотология, аллергология және иммуннология курсымен ішкі аурулар кафедрасының аға оқытушысы Елена Ковзель коронавирусқа қарсы вакцинадан кейін ағзада иммунитеттің қаншалықты сақталатыны уақыт еншісінде деп мәлімдеме жасады.
Жалпы, жуырда жарияланған бір материалда «Спутник V» вакцинасы Ұлыбританияда жаңа штамға протективті әсер еткені жазылды. Осылайша, Ұлыбританияда, Испанияда жүргізілген ғылыми зерттеулер вирустың әртүрлі штамы, соның ішінде қарапайым суық коронавирус арасында кросс-реактивтіліктің бар екенін көрсетті. Олар зертханалық зерттеулер бойынша COVID – 19 бар халықтың 20-50 пайызын және Т-жасушалық жадта 19 пайызды көрсеткен. Мұның бәрі адамның ауру көріністерінің гетерогенділігін түсіндіреді және «Спутник-V» коронавирус басқа штамдарынан қорғану қабілетін ғылыми дәлелдегенін айтады Елена Ковзель.
Міне, сондықтан коронавирусқа қарсы вакцинадан кейін иммунитеттің адам ағзасында қанша сақталатынын уақыт көрсетеді. Жалпы, ғылыми негіздегі зерттеулер бойынша оның тұмау вирусымен ұқсастығы байқалады. Әзірге клиникалық зерттеулер аясында вакцинацияланған адамдардың иммунитетін ғана мысал ретінде қарауға болады. Аурудан кейін антидене деңгейі біртіндеп төмендейтінін және кейбір жеңіл түрде ауырған науқастарда мүлдем анықталмайтындығын ескере отырып, вакцинацияны қайталау керектігін алға тартады.
