Бүгінгі таңда облыс педагогтары біліктілікті арттыру жүйесінде әдістемелік қолдауға аса мұқтаж болып отыр. Біз мұны олардың курстық дайындық кезіндегі белсенділігінен, филиал ұйымдастырған іс-шараларға қатысуынан, шығармашылық алаңдарда өз әріптестерімен тәжірибе бөлісуге ұмтылуынан білеміз. Бүкіл ел өміріндегі қиын кезеңге қарамастан, біздің филиал жұмыстың жаңа форматына қайта құрыла алды және біз оларға қазіргі уақытта қажетті әдістемелік көмек көрсетуге дайын болдық.
Білім берудегі инновациялардың бағыттаушысы, әлемдік тәжірибелердің және үздік педагогикалық тәжірибенің бағыты ретінде біздің ұжым әрқашан педагогтарды технологиялық жағынан ғана емес, дүниетанымдық жағынан да жан-жақты қолдауға мүдделі. Біз әзірлеген біліктілікті арттыру жүйесінің жаңа моделі педагогтардың сұраныстарына тез жауап беруге қабілетті. Оның арқасында білім берудің барлық деңгейлеріндегі 2,5 мыңнан астам педагог қызметкерлер педагогтарға қажетті білім мен дағдылардың барлық спектрін алды.
«Өрлеу» біліктілікті арттыру ұлттық орталығымен құрылған Blended learning ұлттық білім беру порталы негізінде күндізгі және қашықтықтан оқыту нысанының үйлесуі 2020 жылдың өзінде Ақмола облысының 2255 педагогын оқытуға мүмкіндік берген сауатты стратегиялық шешім болды, оның ішінде тыңдаушылардың жалпы санының 90 пайызы YouTube OBS-студиясы мен Zoom платформасы арқылы қашықтықтан оқыту форматында оқытылды.
Қашықтықтан оқыту үшін бейне сабақтар әзірлеу кезеңінде мұғалімдердің ақпараттық технологиялар құзыреттілігін арттыру қажеттілігін түсіндік. Өйткені, бұл үрдіс тек әдістемелік білімді, IT-технологияларды қолдана білуді ғана емес, сонымен қатар, қажетті материалдарды сауатты таңдауды керек етті. Біздің IT-мамандар өткізген практикалық семинарлар бейне сабақтарды құру бойынша жұмысты тездетуге көмектесті. Енді біз нәтижені мақтанышпен ұсына аламыз. Ақмола облысының педагогтары институт қызметкерлерінің әдістемелік және техникалық қолдауымен бірінші тоқсанда 312 сабақ дайындады, олар YouTube білім беру арнасындағы цифрлық сабақтардың 5000-нан астам контентімен қатар қашықтықтан оқыту кезінде нақты көмек көрсетеді.
Біздің филиал уақыт сын-тегеуріндерін өзінің инновациялық әлеуетінің арқасында ғана емес, сондай-ақ педагогтармен тығыз ынтымақтастығының арқасында табысты орындап келеді. Бізде озық инновациялық тәжірибені тарату жүйесі бар және жұмыс істейді. Бұған жарқын мысал, еліміздің педагогтарының «Виртуалды Білім беру бағыты» эстафетасы, онда олар шеберлік сыныптарын көрсетіп, инновациялық технологияларды енгізу бойынша ұсыныстар береді. Осы ауқымды бастаманың нәтижесі облыс мұғалімдерінің екінші тоқсан және үшінші тоқсан бойынша 236 сабақ әзірлеуі болды. Олардың барлығы да «Өрлеу» білім беру арнасында еркін қолжетімді.
Интернеттегі байланыс біздің оқытушыларымыз бере алатын кәсіби кеңес беру көмегінің шекарасын едәуір кеңейтті. Қашықтықтан оқыту кезінде білікті адамдардың көмегі тек мұғалімдерге ғана емес, ата-аналарға да қажет болды. Оларды қашықтықтан оқытуға байланыс-
ты барлық нәрсе қызықтырды: сервистер, бағалау жүйесі, онлайн-оқыту мүмкіндіктері. Біздің жаттықтырушылар интернеттің барлық мүмкіндіктерін пайдалана отырып, қызықтырған сұрақтарға жауап бере алды: web-конференциялар, онлайн-семинарлар мен вебинарлар, кеңестер. 2020-2021 оқу жылының басында өткізілген 104 вебинар оған білім беру жүйесінің барлық қатысушыларын дайындауға мүмкіндік берді.
Біз өзіміздің әлеуметтік желілерімізді барынша пайдаланамыз. Instagram және Facebook парақшаларында институт қызметкерлері сабақтарды қашықтық форматында жоспарлау бойынша нұсқаулықтар мен кеңестер, интернет-ресурстарды қолдану бойынша ұсыныстар орналастырады. Олардың ішінде виртуалды тақталарды, Google нысандарын, онлайн құралдарды пайдалану бойынша ұсыныстар үлкен жетістікке жетеді. Бүгінгі қалыптасқан жағдайды бағалай отырып, бұл шаралар барлығымызға қысқа мерзімде оқытудың жаңа форматын игеруге мүмкіндік бергенін атап өтуге болады.
Мұғалімдердің біздің бастамаларымызға белсенді қатысуы, олардың өз шеберліктерін үнемі жетілдіруге ұмтылуы бойынша біз біліктілікті арттыру жүйесі қызметкерлерінің бізге жүктейтін жауапкершілік шарасын түсінеміз және олардың үміттеріне сәйкес келуге тырысамыз.
Нина СТУКОЛЕНКО,
«Өрлеу» БАҰО» АҚ «Ақмола облысы бойынша ПҚ БАИ» директоры,
педагогика ғылымдарының докторы,
профессор, академик.
