Шортанды ауданындағы А.Бараев атындағы астық шаруашылығы ғылыми-өндірістік орталығының мамандары бидай және өзге де ауыл шаруашылығы дәнді-дақылдарының жаңа сортын әзірлеуде. Бұл туралы өңірлік коммуникациялар қызметі ұйымдастырған баспасөз туралы барысында белгілі болды.
А.Бараев атындағы астық шаруашылығы ғылыми-өндірістік орталығы бидайдың жаңа сорттарын жасау, оларды көбейту және өндіріске енгізу бойынша 65 жыл жұмыс істеп келеді. Осы уапақты аралығында дәнді дақылдардың көптеген түрлерін әзірлеп шығарды. Соңғы жылдары орталық селекционерлері бидайдың жаңа сорты – «Таймас» бойынша жұмыс істеп келеді.
Орталықтың бөлім меңгерушісі Әділхан Бәбкеновтің айтуынша, бидайдың бұл сорттарын Ақмола алқаптарына 2-3 жылдан кейін егуге болады. «Таймас» жаңа сорттары 90-95 күнде піседі. Ол жоғары өнімділікпен және құрғақшылық пен ауруларға төзімділікпен сипатталады. Қазіргі кезде сорт тек әзірленіп, сынақтан өтуде. Аталмыш бидай сортын әзірлеу үшін шамамен 15 жыл уақыт кететін көрінеді.
– Жаңа сорт будандастырылған уақыттан бастап өндіруге дейін шамамен 15 жылды қажет етеді. Бірақ биотехнология мен гендік инженерияның заманауи әдістерінің арқасында біз бұл мерзімді 7-8 жылға дейін қысқартқымыз келеді, – дейді Әділхан Бәбкенов.
Айталық, жаңа сорт «Шортанды-14» және «Шортанды-2012» сипаттамалары бойынша төмен болмайды. «Шортанды-2012» сияқты жаңа сорттар, орташа ерте пісетін түрі. Ең жоғары өнімділік қолайлы жылдары гектарынан 33 центнерді құрайды. Бидайдың бұл жаңа сұрыптары бұзылмайды және ұзақ сақталатындығымен ерекшеленеді. Сондықтан да ауыл шаруашылығы саласында кеңінен танымал.
Жалпы, А.Бараев атындағы астық шаруашылығы ғылыми-өндірістік орталығының сорттары 2,6 миллион гектар егіс алқаптарына егілген.
