Ақмола облыстық прокуратурасы баспасөз қызметінің мәліметінше, Степногорск қаласының прокуратурасы Мемлекеттік кірістер басқармасымен 30 кәсіпкердің шоттары бойынша шығыс операцияларын заңсыз тоқтата тұру фактілерін анықтады.
Қазақстан Республикасы Президентінің 2019 жылғы 26 желтоқсандағы №229 Жарлығымен шағын бизнес және микрокәсіпкерлік субъектілеріне қатысты мораторий енгізілді, салық органы олардың бюджет алдында шамалы берешегі бола тұра, банк шоттары бойынша операцияларды толығымен тоқтатты.
Бұл әрекеттер Салық кодексіне қайшы келеді, оған сәйкес шағын және микробизнес субъектілеріне шектеулер қою қарастырылмаған.
Прокурорлық қадағалау актісі бойынша салық органы заңсыз өкімдерді кері қайтарылып, кінәлі лауазымды тұлғалар жауапкершілікке тартылды.
Осыған ұқсас фактілер облыстың басқа аудандарында да бар, заңсыз шектеулерді алып тастау және кәсіпкерлердің құқықтарын қалпына келтіру бойынша жұмыстар жүргізілуде.
Осы ретте, прокуратура қызметкерлері мемлекеттік органдар тарапынан заңсыз тексеруге, негізсіз араласуға немесе қысымға тап болған кәсіпкерлерді Ақмола облысының прокуратура органдарына дереу хабарласуды ұсынады.
