Өңіріміздегі діни және этномәдени бірлестіктері өкілдерінің қатысуымен қоғамда сыбайлас жемқорлыққа қарсы мәдениетті қалыптастыру мәселелері бойынша семинарлар болып өтті.
Қазақстан Республикасы Сыбайлас жемқорлыққа қарсы іс-қимыл агенттігі Ақмола облысы бойынша департаменті қызметкерлерінің ұйымдастыруымен өткен семинарда, оған қатысушыларға сыбайлас жемқорлыққа қарсы заңнаманың нормалары мен сыбайлас жемқорлыққа қарсы қызметтің негізгі бағыттары түсіндірілді. Сондай-ақ, семинар барысында парасаттылық идеологиясын, жалпы адамгершілік мұраттарын, патриотизм мен азаматтардың бірлігін қалыптастыру шеңберінде түрлі діни ұйымдар мен этностар өкілдерінің өзара іс-қимыл мәселелері талқыланды.
Семинарда атап өтілгеніндей, Қазақстан көп ұлтты және көп конфессиялы мемлекет бола отырып, діндер мен ұлттардың жаһандық диалог алаңы болып табылады. Онда өзара қарым-қатынастар түсіністік пен келісімге, сенім мен құрметке негізделеді. Сондықтан, мемлекетпен де, азаматтық қоғаммен де осы салаға үнемі назар аудару маңызды.
Семинарға қатысушылар сындарлы пікірталас барысында пікір алмасып қана қоймай, сыбайлас жемқорлыққа қарсы мәдениетті қалыптастыруға және адалдық пен парасаттылық құндылықтарын сіңіруге бағытталған түсіндіру іс-шараларын өткізуге дайын екендіктерін де білдірді.
Асылай ҚАДЫРҚЫЗЫ.
