Өңірлік коммуникациялар қызметінде өткен брифингте Ақмола облыстық кәсіпкерлік және өнеркәсіп басқармасының басшысы Ербол Оспанов Мемлекет басшысының Жолдауы шеңберінде «Бизнестің жол картасы» және «Қарапайым заттар экономикасы» бағдарламаларын іске асыру міндеттерінің қалай шешіліп жатқандығын алға тартты.
Президенттің Қазақстан халқына Жолдауында алға қойылған бизнесті қолдау жөніндегі тапсырмаларды орындау шеңберінде Ақмола облысында «Қарапайым заттар экономикасы» және «Бизнестің жол картасы – 2025» бизнесті қолдау мен дамытудың мемлекеттік бағдарламаларын іске асыру жалғасуда. Жоба аясында бизнесті қолдау мен дамытудың мемлекеттік бағдарламасы өңірлік кәсіпкерліктің тұрақты және теңгерімді өсуін қамтамасыз ету, сондай-ақ, қолда бар жұмыс орындарын сақтау және жаңа тұрақты жұмыс орындарын құру мақсатымен әзірленді. Президенттің тапсырмаларын орындау үшін бағдарламаға өткен жылы бизнесті қолдау шараларын күшейтетін бірқатар өзгерістер енгізілді. Атап айтқанда, «шағын, оның ішінде микрокәсіпкерлік субъектілерін қолдау» жаңа бағыты қосылды.
Ағымдағы жылы Ақмола облысы әкімінің орынбасары Қанат Ыдырысовтың төрағалығымен екінші деңгейдегі банктер филиалдарының директорлары, сондай-ақ, аудандар, Көкшетау, Степногорск және Қосшы қалалары әкімдерінің орынбасарлары мен кәсіпкерлік бөлімдері басшыларының қатысуымен кәсіпкерлік мәселелері бойынша өңірлік Жобалық кеңсенің кеңейтілген отырысы ұйымдастырылды. Онда «Бизнестің жол картасы-2025» және «Қарапайым заттар экономикасы» бағдарламалары шеңберінде кредиттеудің проблемалық мәселелері қаралды. Отырыс қорытындысы бойынша өңірлердің әкімдіктеріне өңірлердегі бизнес субъектілерін қаржыландырудың тиімділігін арттыруға бағытталған нақты тапсырмалар берілді.
Бағдарламалар шеңберінде жобаларды сүйемелдеу бойынша жұмысты күшейту, облыстың қаржы институттарымен өзара іс-қимылды жолға қою және мақұлданған жобаларды «субсидияланған» мәртебесіне дейін жеткізуді қамтамасыз ету мәселелері айтылды. Сондай-ақ, кәсіпкерлік және өнеркәсіп басқармасына ақпарат ұсына отырып, жобаларды іске асырудың бекітілген жоспарлы көрсеткіштерін орындау тапсырылды.
Қазіргі таңда Ақмола облысында «Бизнестің жол картасы-2025» және «Қарапайым заттар экономикасы» мемлекеттік бағдарламаларын іске асыру бойынша жұмыстар жалғасуда және бұл мәселе тұрақты бақылауда.
Ілияс ӘУБӘКІРОВ.
Суретті түсірген
Советбек МАҒЗҰМОВ.
