Көкшетау қаласының прокуратурасы Бас Прокуратураның тапсырмасы бойынша әлеуметтік маңызы бар азық-түлік тауарларының бағасына талдау жүргізді.
Талдау нәтижелері әлеуметтік тауарлар құнының көтерме саудадан соңғы тұтынушыға дейін 1,5-2 есе өсетінін көрсетті. Бұл ретте, бағаның ең үлкен өсуі үй маңындағы дүкендерде азық-түліктерді сату кезінде орын алуда. Бағаның бұлай өсуі бірқатар факторларға байланысты. Олардың бірі – кәсіпкерлердің әлеуметтік маңызы бар азық-түлік тауарларына сауда үстемесінің сатып алу бағасынан 15 пайыздан асуына тыйым салынғаны туралы білмеуінде.
Осыған орай, Көкшетау қаласының прокуратурасы жергілікті атқарушы органдармен бірлесіп, сауда үстемесінің сатып алу бағасынан 15 пайыздан асуына жол бермеу бойынша түсіндіру жұмыстарын жүргізуде. Бұл жұмыс қазір біртіндеп өз нәтижелерін бере бастады.
Қаланың бірқатар кәсіпкерлері «Атамекен» ҰКП облыстық филиалының алаңында әлеуметтік маңызы бар азық-түлік тауарларына бағаны ұстап тұру, сондай-ақ сауда үстемесін 10 пайыздан асырмау жөнінде меморандумдар жасасты. Осы бағыттағы жұмыс жалғасуда.
Көкшетау қаласының прокуратурасы.
