Мемлекеттік қызметшілер арасында сыбайлас жемқорлық құқық бұзушылықтардың алдын алу мақсатында Ақмола облысы бойынша Сыбайлас жемқорлыққа қарсы іс-қимыл департаменті Экология департаментінің ұжымымен сыбайлас жемқорлыққа қарсы іс-қимылдың басым шараларын түсіндіру бойынша кездесу өткізді.
Кездесу барысында өңірдің Сыбайлас жемқорлыққа қарсы ведомствосының қызметкері Әсемгүл Галеева сыбайлас жемқорлыққа қарсы қызмет қызметіндегі жаңа тәсілдер, ең алдымен, халықтың әлеуметтік маңызды мәселелерін шешуге бағытталғанын атап өтті. Ол үшін еліміздің әрбір өңірінде процестердің ашықтығының болмауы, әкімшілік кедергілер мен заңнамалық олқылықтардың болуы себептері бойынша шешілмейтін мәселелер белгіленген Сыбайлас жемқорлық тәуекелдерінің карталары әзірленді.
Ақмола облысының тәуекелдер картасына экология саласының проблемалық мәселелері, атап айтқанда, қоршаған ортаның ластану көлемін жасыру да енгізілді. Өңірде қатты тұрмыстық қалдықтарды кәдеге жарату және ҚТҚ полигондарын пайдалану мәселесі өткір тұр, бұл өз кезегінде тұрғындардың санитарлық-эпидемиологиялық әл-ауқатына және қоршаған орта экологиясына әсер етеді. Сондай-ақ экологиялық проблема табиғатты қорғау аймақтарындағы құрылыс болып табылады.
Сонымен қатар спикер қатысушыларды сыбайлас жемқорлыққа қарсы саясаттың негізгі бағыттары туралы, атап айтқанда, «ақшаны ұстан» қағидаты бойынша міндетті қаржылық тергеуді енгізу, сондай-ақ лауазымды тұлғалардың декларацияларын тәуекелге бағдарланған тиімді тексеруді қолдану арқылы сыбайлас жемқорлық үшін жауапкершіліктің бұлтартпастығын қамтамасыз ету жөніндегі бастамалар туралы хабардар етті. Сондай-ақ жосықсыз қызметшілерді уақтылы анықтауға мүмкіндік беретін парасаттылықты тексеру институты («integrity check») іске асырылуда.
Сонымен қатар, кездесуге қатысушыларға сыбайлас жемқорлық фактілері туралы хабарлағаны үшін адамдарды көтермелеу жүйесі түсіндірілді және басшылардың бағыныштылардың сыбайлас жемқорлық жасағаны үшін жауапкершілігі туралы еске салынды.
Соңында спикер экология саласының қызметкерлері сыбайлас жемқорлыққа қарсы шектеулерді қатаң сақтауға және қоғамдағы сыбайлас жемқорлық көріністеріне төзбеушілікке шақырды.
