Ақмола облыстық ауруханасында емдеу шаралары қалай жүзеге асырылады

 – Ақмолалықтар көпсалалы облыстық аурухананың (МОБ) консультативтік-диагностикалық емханасының базасында салалық мамандардың кеңестері мен қажетті тексерулердің тізбесін тегін ала алады. Осы ретте, мұнда көрсетілетін қызметтің деңгейі жоғары болуы науқастардың көңілінен шығып отыр, деп хабарлайды ҚазАқпарат тілшісі.

«Біз Ақмола облысы мен Көкшетау қаласының барлық емханаларымен бірлесіп орындау шарттары шеңберінде жұмыс істейміз. Яғни, өңірдің әрбір тұрғыны міндетті әлеуметтік медициналық сақтандыру арқылы тегін тексеруден өтіп, кез келген маманның қабылдауына түсе алады», – дейді Ақмола облыстық көпбейінді аурухананың амбулаториялық-емханалық көмектің басшысы Динара Назарова.

Бүгінгі таңда консультативтік-диагностикалық емханада науқастарды 31 маман қабылдайды.

«Қабылдауды көп жылдық жұмыс өтілі бар бөлімшелердің барлық дерлік меңгерушілері жүргізеді, ауруханаға жатқызу мәселелерін – жоспарлы да, шұғыл да шешеді. Консультациялық-диагностикалық көмек телемедицина жүйесі бойынша да жүзеге асырылады, яғни бетпе-бет қабылдаудан басқа науқастарға және сырттай кеңес береміз. Сондықтан қайта қабылдауды қажет ететіндерге дәрігерді көру үшін Көкшетауға 200-300 шақырымға барудың қажеті жоқ, біздің дәрігерлер оларды сырттай қабылдай алады», – деп толықтырды Динара Назарова.

Емханада қабылдауды травматолог Владимир Цой, гематолог Людмила Нефедова, эндокринолог Нүрилә Кенжетаева, хирург Сергей Дериглер, пульмонолог Наталья Солонина, кардиолог Нұрлан Мінайдаров, нейрохирург Игорь Острецов және тағы басқалар жүргізеді.

Хирург Сергей Дериглер медициналық мекемеде 17 жыл жұмыс істеді.

«Жұмыс оңай емес, бірақ көңілді, өйткені сіз өз жұмысыңыздың нәтижелерін, науқастардың қалай қалпына келетінін, олардың өмір сүру сапасы қалай жақсаратынын көресіз», – деп бөлісті дәрігер.

Пульмонолог Наталья Солонина күнделікті емханада қабылдайды. Дәрігердің айтуынша, науқастардың көбі пневмония, вирустық инфекция, ӨСОА, созылмалы бронхит, демікпе сияқты ауруға шалдыққандар. Сонымен бірге, соңғы кездері бронх-өкпе жүйесі ауруы бар науқастардың саны артып отыр. Мұның бәрі пандемияның нәтижесі.

«Коронавирус кезінде жұмыс істеу өте қиын болды. Осы үш жылды артқа тастадық. Мен сол кезде Ақмола облыстық көпбейінді аурухана жұмыс істедім, жұқпалы аурулар ауруханасындағы барлық науқастарға кеңес бердім, жүкті және ауыр науқастарға жұқпалы аурулар орталығында кеңес бердім. Менің жұмысымның ең қиын бөлігі – науқасты өзіне қажет дәрі-дәрмектерді үнемі қабылдауға сендіру. Кейде адамға барлық ұсыныстарды толық орындау үшін жету қиын», – деді Наталья Солонина.

Ақмола облыстық көпбейінді ауруханасы кардиохирургия бөлімшесінің меңгерушісі Нұрлан Мінайдаровтың айтуынша, олардың бөлімшесінің дәрігерлері жүректің ишемиялық ауруы, жүре пайда болған және туа біткен ақаулары, қолқа аурулары бар науқастарға хирургиялық ем көрсетеді, сондай-ақ емханада аптасына үш рет кеңестер және науқастарға отадан кейінгі бақылау жүргізіледі. Кардиолог жүрек-қан тамырлары ауруларының көбеюін, сондай-ақ, дәл осы аурулар бүкіл әлем бойынша өлім-жітімнің ең жоғары деңгейіне ие екенін айтады.

«Жүректің ишемиялық ауруы жасарады. Қазір 25 жастағы науқастарда инфаркт ешкімді таң қалдырмайды», – деп қосты ол.

Аурухананың консультативтік-диагностикалық емханасының базасында ақмолалықтар қажетті тексерулердің барлық тізімін ала алады. Медициналық персоналдардың айтуынша, мекеменің клиникалық-диагностикалық зертханасы – Ақмола облысында халықаралық сертификаты бар жалғыз зертхана. Талдаулар сағат 08:00-ден 13:00-ге дейін қабылданады және нәтижелер сол күні беріледі.

Аурухананың рентгенологиялық зерттеу әдістерінің әлеуеті өте жоғары. Емханада үш КТ аппараты және екі МРТ аппараты жұмыс істейді, барлық дерлік органдар мен жүйелерді диагностикалау бойынша барлық қажетті рентген аппараттары бар, ультрадыбыстық және функционалдық диагностиканың барлық түрлері жүргізіледі. Аталған барлық тексерулерді ақмолалықтар міндетті әлеуметтік медициналық сақтандыру аясында тегін ала алады.

«Бізге көбінесе науқастар үмітпен келеді. Адамның жарқыраған көздерімен кетіп бара жатқанын көру өте жақсы, өйткені біз оған ауруды хирургиялық емес жолмен жеңуге көмектесе алдық», – деп түйіндеді нейрохирург Игорь Острецов.

 182 Total Views,  2 Views Today

By Арқа ажары

Добавить комментарий

Ваш адрес email не будет опубликован. Обязательные поля помечены *

Өзге де жаңалықтар