Құрметті жерлестер!
Сіздерді барша мұсылмандар үшін қасиетті болып саналатын Рамазан айының басталуымен шын жүректен құттықтаймын!
Рамазан айы – әр мұсылман баласының өзінің рухани бастауларына зер салатын, шексіз мейірім мен ізгіліктің және өмірдің мәнін ұғынып, өзінің ішкі жан-дүниесіне бойлайтын аса бір маңызды кезеңі. Бұл айда ораза ұстау, сөйтіп, өзін бір тәңірдің, жарылқаушы Жаратқанның бар жақсылығы үшін құлшылық етушілер санатында сезіну, қайырымдылық пен имандылықтың, діни наным мен оған құрметтің, жан-дүние тазалығы мен Аллаға шексіз берілудің разылығына бөлену адам баласының өз-өзіне есеп беруі іспеттес үлкен сауапты іс.
Бұл кезеңде адамдар қайырымдылық шараларына барынша ден қойып, мұқтаж жандарға қолдан келген көмегін көрсетуге ұмтылады, барды қанағат тұтып, алдан жақсылықтар күтеді.
Қасиетті Рамазан айында жасаған барлық оң амалдарыңыз өздеріңізге жақсылық болып қайтып, жандарыңызды жадыратсын. Сіздерге зор денсаулық, отбасы амандығын, ашық аспан мен ынтымақ, ұстаған оразаларыңыздың сауапқа жазуын тілеймін!
