Геология және минерология ғылымдарының кандидаты, Қазақстан Республикасы жер қойнауының құрметті барлаушысы, профессор Айтқажы Қазбековтың 90 жылдығына арналған шахматтан турнир болып өтті.
Турнир 2019 жылдан бері жыл сайын өткізіліп келеді. Биыл оған 160-тан астам балғын шахматшы қатысты. Турнирдің ашылу салтанатына қоғам қайраткерлері, Айтқажы ағамыздың балалары мен туыстары, шахмат сүйер қауым мен жанкүйерлер қатысты. Шараны Көкшетау қаласындағы Әл-Фараби атындағы ІТ лицейі ұйымдастырды.
Додаға келгендер тыңғылықты дайындықтарын байқатып, тартысты ойын көрсете білді. Шахмат турнирінің қорытындысы бойынша ұлдар арасындағы 1-6 сыныптар санатында 1-ші орын Тимур Ерденев (6 орта мектеп,) 2-ші орын Нұрхан Мақсұтхан (13 орта мектеп) 3-ші орын Болат Әмір (2 орта мектеп), 3-ші орын Әлихан Орынбай (2 орта мектеп), 7-11 сыныптар санатында 1-ші орын Бейбарыс Мамыров (2 орта мектеп), 2-ші орын Әлисат Қасенов (2 орта мектеп), 3-ші орын Ескендір Сегізбаев (ІТ лицейі) және Бектас Дәулетбектің еншісіне бұйырды.
Қыздар арасындағы 1-6 сыныптар санатында 1-ші орын Әлия Әділетқызы (ІТ-лицейі), 2-ші орын Рамина Жүзбай (2 орта мектеп), 3-ші орын Анастасия Бабак (21 орта мектеп) және Айкүміс Шернияздан, 7-11 сыныптар санатында 1-ші орын Әдия Шәйкенова (6 орта мектеп), 2-ші орын Алуна Әубәкірова (13 орта мектеп), 3-ші орын Маржан Жақина (17 орта мектеп) және Аида Құлжанованың (2 орта мектеп) үлестеріне тиді. Блиц-турнирде Бейбарыс Мамыров абсолютті чемпион атанды, Тимур Ерденев екінші, Санат Исаханов үшінші орын алды. «Ең үздік ойыншы» номинациясына Досан Алпысов ие болды. Ал, «Ең қысқа партия» номинациясы Нұрдәулет Қайыркенге бұйырды.
Айта кетейік, турнирдің Айтқажы Қазбековтың құрметіне арналуы тегіннен-тегін емес. Өйткені, геология саласының майталманы көзі тірісінде қолы қалт еткенде шахмат ойнағанды жақсы көрген. Туған елінің дамуына зор үлес қосқан ел азаматы әрқашан өскелең ұрпаққа үлгі-өнеге болып келеді.
Нұрлан ЫСҚАҚОВ.
