Бүгін Көкшетау қаласында Ақмола облысының әкімі Марат Ахметжанов Аризона мемлекеттік университетінің өкілдерімен кездесті. Тараптар білім беру ынтымақтастығының мүмкіндіктері мәселелерін талқылады. Кездесуге мүдделі басқармалардың басшылары, Ш. Уәлиханов атындағы Көкшетау университетінің өкілдері қатысты.
Іс-шараның негізгі мақсаты Қазақстанда ауыл шаруашылығы дақылдарының өнімділігін және азық-түлік өндірісін арттыруға бағытталған зерттеулер үшін басым қажеттіліктерді зерделеу болып табылады.
Қонақтарды қарсы ала отырып, өңір басшысы Аризона университеті делегациясының сапары аграрлық зерттеулер мен әзірлемелер саласындағы өзара тиімді ынтымақтастық үшін жаңа мүмкіндіктер ашатынын атап өтті.
«Ақмола облысы индустриалды-аграрлық өңір бола отырып, ауыл шаруашылығын дамытуға ғана емес, осы салада озық технологияларды енгізуге де баса назар аударылады. Ауыл шаруашылығы саласында бәсекеге қабілетті болу үшін біз алға сапалы серпіліс жасауымыз керек, бірақ ғылыми негізделген зерттеулерсіз және жаңа технологияларды енгізбей нәтижелерге қол жеткізу қиын болады», – деді М.Ахметжанов.
Айта кету керек, бұл іс-шара ағымдағы жылдың сәуір айында өткен кездесудің жалғасы болып табылады, онда тараптар ауыл шаруашылығы мен ғылым саласының негізгі өзара іс-қимылдарын талқылады. Қатысушылар Ақмола облысы Қазақстаның ауыл шаруашылығындағы зерттеулері мен нәтижелерін жақсарту үшін АҚШ-тың жоғары сапалы университеттерінде ауыл шаруашылығы саласындағы табысты зерттеушілермен қарым-қатынасты дамытуға мүдделі екенін атап өтті.
Сол күні Аризона мемлекеттік университетінің өкілдері Ш. Уәлиханова атындағы Көкшетау университетінің ғылыми жетекшілерімен кездесті, университет және Ақмола облысының ағымдағы ауыл шаруашылығы зерттеулерімен, облыстың «Гормолзавод» ЖШС, «Eurasia Group» ЖШС, Бұланды ауданының «Бота-2015» ЖШС, «А.И. Бараев атындағы АШҒӨО» кәсіпорындарымен танысты.
