Әдеттегідей, қаламыздың ірі кәсіпорындарында қызмет етіп жүрген жұмысшы жастарымен Ақмола облысы ішкі саясат басқармасының «Жастар-ресурстық орталығы» МКМ кездесу өткізді. Осы жолғы кездесу «Гормолзавод» ЖШС қабырғасында өтті.
Зауыт өндіріс дәстүрлерін сақтай отырып, оларды заманауи технологиялармен үйлестіріп, ең жақсы өнімдерді ұсынуда. Қалалық сүт зауыты әрбір отбасы үшін сенімді серіктес болуға тырысады, тек қауіпсіз және пайдалы өнімдер ұсынады.
Атап кету керек, аталмыш кездесулер биылғы жұмысшы мамандықтардың имимджін көтеру мақсатында ұйымдастырылуда.
Аталған шараға, «ГОРМОЛЗАВОД» ЖШС даму бөлімінің басшысы – Нурмолдина Бақшагүл Мәлікқызы, Ақмола облысы Ішкі саясат басқармасы «Жастар және отбасы істері» бөлімінің басшысы – Мырзахметова Айсұлу Оралқызы, Ақмола облысы жастар-ресурстық орталығы басшысы – Ермеков Дастан Амангелдіұлы, «Гормолзавод» ЖШС өндіріс технологы – Федосеева Нина Алексеевна, «Отбасы банк» АҚ қаржы кеңесшісі – Есеналина Зарина Серәліқызы, БАҚ өкілдері, ұйымдастырушылар және «Гормолзавод» кәсіпорнының қызметкерлері қатысты.
Өндіріс цехнологы Нина Федосеева ұйымдастырушыларға алғысын білдіріп, жастарды адал еңбек етіп, жемісін көруге шақырды. Сондай-ақ кәсіпорынның ең беделді еңбек өтілімен ерекшеленген ардагер қызметкері жастарға мансаптық өсумен қоса, жан-жақты дамуын тіледі.
«Отбасы банк» АҚ өкілі Зарина Есеналина жастарға жаңа мүмкіндіктермен бағдарламалар туралы сөз қозғады. Оларға арнайы брошюралар таратып, қатысушыларды ақпараттандырды. Жастар қатары қосымша сұрақтар қойып, сапалы жауап алды.
Кездесу соңында «ГОРМОЛЗАВОД» ЖШС кәсіпорнының жетістігі мен тәжірибесі бар жұмысшы мамандықтағы жастар, Ақмола облысы ішкі саясат басқарма басшысы атынан алғыс хаттармен марапатталып, барша қатысушыларға өндірістің атынан тәтті балмұздақтар таратылды.
Ізгі құрметпен, Ақмола облысы Ішкі саясат басқармасы
Ақмола облысы жастар-ресурстық орталығының баспасөз қызметі
(Балабеков Жеңіс байл.тел.50-72-69)
