Құрметті ақмолалықтар!
Сіздерді шын жүректен Алғыс айту күнімен құттықтаймын!
Бұл – бірегейлік пен бірліктің қазақстандық үлгісін нығайтуға, жалпыұлттық құндылықтарды ілгерілетуге және тарихи жадыны сақтауға ықпал ететін маңызды мереке.
Бір-бірімізге ризашылық пен құрмет көрсете отырып, біз достық, мейірімділік және ынтымақтастық сияқты негізгі құндылықтарды насихаттаймыз.
Биыл біз Қазақстан халқы Ассамблеясының құрылғанына 30 жыл толуын атап өтеміз. Қоғамдағы этносаралық тұрақтылықтың негізгі факторларының бірі ретіндегі өзінің маңызын іс жүзінде растайтын бірегей бейбітшілік және келісім институты өзіне жүктелген миссияны лайықты орындауда.
«Ел алғысын алсаң, елеулісі боларсың» деген дана өсиетке сай, өзінің кәсіби және азаматтық борышын адал атқарып жүрген барлық ақмолалықтарға, Қазақстан Республикасының дамуына қосқан баға жетпес үлесі үшін алғысымды білдіремін.
Әр отбасына бақыт, амандық, бейбітшілік тілеймін!
***
Құрметті жерлестер!
Сіздерді 1 наурыз – Алғыс айту күні мерекесімен құттықтаймын!
Бұл күн бейбітшілік, ынтымақ күні, Қазақстан халқының бір-біріне деген құрмет пен ризашылық танытатын, жалпыхалықтық мейрамы.
Өткен тарихымыз бен адамгершілік, қайырымдылық, жақсылық жасау сияқты ата-бабамыздан мирас болған дәстүрлерімізді, алғыс білдіру мәдениетін жаңа сипатта, жаңғырған түрде білдірудеміз.
Сыйластық пен құрметке негізделген жанашырлық жасау, мейірімділік таныту, қолдау көрсетудің тарихи үрдісі жалғасып келеді.
«Бірлік түбі – береке» дегендей, біртұтас ел болуды мирас еткен бабаларымыздың ұстанымын отаншылдық пен әділеттілік, еңбекқорлық пен ауызбіршілік қағидатына айналдырып, оны жаңа Қазақстанның басты ұстанымдарының біріне айналдыруымыз керек.
1 наурыз – Алғыс айту күні отаншылдық мұрат пен ортақ мақсаттар жолындағы ынтымақтастық, жылы лебіздеріңіз үшін сіздерге алғыс айтамын!
Баршаңызға денсаулық, отбасыларыңызға амандық, еңбектеріңізге табыс тілеймін! Көп ұлтты еліміздің халқы арасындағы береке-бірлік пен ырыс-ынтымақ арта берсін!
Бейбіт ЖҮСІПОВ,
Ақмола облыстық мәслихатының төрағасы.
сурет: aikyn.kz
13 Total Views , 1 Views Today
