Жағымды жаңалық
Ақмола облысы әкімінің орынбасары Ернар Жаркешев және Парламент Сенатының депутаты Талғат Жүнісовтің қатысуымен Зерендіде болашақ визит-орталығы мен креативті индустриялар хабы құрылысының капсуласы салынды.
Капсула салу рәсіміне Зеренді ауданының әкімі Әсен Жақсылықов және өңір тұрғындары мен жастар орталығының мүшелері атсалысты.
Жаңа жоба креативті индустриялар саласында жаңа жұмыс орындарын ашуға бағытталған. Нысанның екі қабатты ғимараты 791,45 шаршы метрді құрайды. Ол жастарға өзін-өзі дамыту, білім алу және жұмыспен қамту мүмкіндіктерін ұсынатын болады. Нысанның негізгі бағыттары – дизайн, IT, медиа және басқа да шығармашылық салалар. Визит-орталығы аудан тұрғындарының шығармашылық әлеуетін дамытуға арналған іс-шаралар, көрмелер мен шеберлік сыныптарын өткізу алаңына айналмақшы.
Биыл ауданда балалар және жасөспірімдер спорт мектебінің құрылысы да басталды. Бұл аудан инфрақұрылымын дамытудағы тағы бір маңызды қадам болмақ. Осы және басқа да жоспарланған жобалардың жүзеге асырылуы өңірдің әлеуметтік жағдайын жақсарта түсетіндігі сөзсіз.
«Арқа ажарының» өз ақпараты.
Зеренді ауданы.
4 Total Views , 1 Views Today
