АУЫЛДЫ ДАМЫТУ
Ақмола облысының кәсіпкерлер палатасы алаңында өткен агроөнеркәсіп кешені мәселелері және тамақ өнеркәсібі салалық кеңесінің отырысында алдағы жылы ауыл шаруашылығы өндірушілерін мемлекеттік қолдаудың негізгі мәселелері талқыланды.
Отырысқа қатысушылар қолданыстағы бағдарламалардың тиімділігін егжей-тегжейлі қарастырып, оларды жетілдірудің жолдарын белгіледі. Шаруаларды айналым қаражатымен қамтамасыз ететін қаржы көздеріне ерекше көңіл бөлінеді. Олардың ішінде қажетті жабдық, тұқым мен тыңайтқыштарды уақтылы сатып алуға, сондай-ақ, маусымдық жұмыстарды жүргізуге мүмкіндік беретін жеңілдетілген несие, субсидия және мамандандырылған қаржыландыру бағдарламалары бар. Қаржы институттары өкілдерінің айтуынша, 2026 жылы бөлінетін қаржы ауыл шаруашылығын қолдау азық-түлік қауіпсіздігін қамтамасыз етуге, өнімділікті арттыруға және агроөнеркәсіп кешенін тұрақты дамытуға бағытталатын болады. Соның ішінде көктемгі егіс және егін жинау жұмыстарын сапалы және уақытылы жүргізу басым бағыт ретінде қалып отыр.
«Кең Дала» бағдарламасы аграршылар тарапынан қаржыландыруды ұсынудың жеделдігі және қосымша субсидиясыз қолжетімді пайыздық мөлшерлемелер есесінен жоғары бағаға ие болды. Сонымен қатар, кездесуге қатысушылар қарыз қаражатын мақсатты пайдалануды кеңейтуді ұсынды. Бұл астықты тазарту кезінде механикаландырылған қырманның жұмысына және мамандандырылған жабдықты жөндеу кезінде машина-трактор парктерін күтіп-ұстауға арналған электр энергиясының шығындарына қатысты. Бұдан басқа, ауыл шаруашылығы тауарын өндірушілер жүк көлігі мен ауыл шаруашылығы техникасына арналған қосалқы бөлшектерді сатып алу үшін кредиттерді пайдалануға рұқсат беру қажет деп санайды.
Мұндай шаралар шаруашылықтарға қаржылық жүктемені азайтуға және қолдаудың тиімділігін арттыруға мүмкіндік береді. Лизинг бойынша төлемдердің өсуі фермерлердің жеке алаңдаушылығын тудырады. «ҚазАгроҚаржы», АҚ ҚҚС мөлшерлемесінің 12 пайыздан 16 пайызға дейін өсуіне байланысты шарттарды түзету қажеттігі туралы хабарланды. Компанияның облыстық филиалы директорының орынбасары Марлен Ибраев атап өткеніндей, келесі жылы күшіне енетін Салық кодексіндегі өзгерістер шаруашылықтардың қаржылық тұрақтылығына әсер етуі мүмкін.
–Өңірлік палата алаңында проблемалар мен ұсыныстарды талқылау агроөнеркәсіп кешенін қолдауда теңдестірілген және тиімді шешімдерді әзірлеу үшін мемлекет, қаржы институттары мен ауыл шаруашылығы өндірушілері арасындағы тұрақты диалогтың маңыздылығын растайды, – деп атап өтті бұл ретте, палата директорының орынбасары Гүлден Хаметова.
«Арқа ажарының» өз ақпараты.
