Ақмола облысы бойынша 200-ден астам ана жүктілік бойынша тағайындалатын жәрдемақыны онлайн режимде рәсімдеді.

– Бұрындар бұл қызметтерді халыққа қызмет көрсету орталықтарына барып алатын еді. Қазіргі egov.k порталында «Электронды өтініштер» арнайы сервисі арқылы жүзеге асыруға болады. Декрет демалысына шыққан жүкті әйелдер egov.kz порталында авторизациядан өтіп, «Электронды өтініштер» сервисін таңдап, жеке құжаты мен жұмыс істеу қабілетінен айырылу парағының скан көшірмесін және төлем аударылуы тиіс банк шотын қоса жолдауы тиіс. Енді ғана сәбилі болған отбасылар үшін egov.kz порталының «Отбасы» – «Бала» бөлімінде баланың тууына және оның күтіміне байланысты жәрдемақыларды рәсімдеу мүмкіндігі бар. Жәрдемақыны алу үшін ең бастысы, электронды – сандық қолтаңбасы болуы шарт. Оның халыққа қызмет көрсету орталықтарына бармай-ақ қашықтықтан рәсімдеуге болады, – дейді «Азаматтарға арналған үкімет» корпорациясы Ақмола облысы бойынша филиалының баспасөз қызметі.