Өңірлік коммуникациялар қызметінде өткен брифингте Ақмола облысының бақылаушылар штабының төрағасы Ерлан Зәкіриянов ауыл әкімдері сайлауындағы бақылаушылардың жұмысы туралы айтып берді.
–Бүгінгі күні 218 сайлау учаскесінде 95 ауылдық округ әкімін сайлау жүріп жатыр. Әрбір сайлау учаскесінде бір-бірін алмастыратын 2 бақылаушыдан бар. Облысымызда сайлаушылардың жалпы саны 100111 адамды құраса, 25 шілде сағат 11:00-де алынған мәліметтер бойынша сайлаушылардың 20,12 проценті бюллетеньдер алды, бұл дегеніміз 20385 адам дауыс беріп үлгерді деген сөз , – деді Ерлан Зәкіриянов. Сондай-ақ, ол сайлау кезінде ешқандай заң бұзушылық орын алмағанын айтты.
