Ақмола облысының сайлау комиссиясының төрағасы Манарбек Сәдуовтың айтуынша, облысымызда сайлаушылардың жалпы саны 100111 адамды құрайды. Оның ішінде, бюллетень алғандардың саны 8826 болып табылады.
Көкшетау қаласында сайлаушылардың 3 проценті, Степногорск қаласында 6 проценті дауыс берді. Қалған аудандарда дауыс бергендердің саны шамамен 8-20 процент аралығында, -деді М.Сәдуов өңірлік коммуникациялар қызметінде өткен брифинг барысында.
Сондай-ақ, сайлау кезінде санитарлық талаптарды сақтау және сайлау учаскелеріндегі қауіпсіздік талаптары туралы ақпаратпен облыстың бас санитарлық дәрігері Айнагүл Мусина және Ақмола облысы полиция департаменті бастығының бірінші орынбасары Ризахмет Жанбеков бөлісті.
