Дүниежүзінде жылына шамамен 11 миллион адам жұқпалы аурулар салдарынан көз жұмады (ДДҰ мәліметі бойынша). Олармен күресудің ең тиімді шарасы антибактериалдық құралдарды қолдану болып саналады. Антибиотиктерге тұрақтылық дегеніміз – бактериялардың түрленуі салдарынан, оларға тіпті антибиотиктер әсер етпейтін жағдайға жету, дәрілердің адам ағзасына пайдасы болмау. Өкініштісі сол, бұл халық денсаулығы үшін қауіпті болып келеді.
Қазіргі таңда әлемде науқастарды емдеуде дәрігерлер түрлі антибиотиктерді қолданып келеді. Алайда, медицина ғылымындағы жетістіктерге қарамастан, мыңдаған адам түрлі инфекциялардан көз жұмуда. Мұның негізгі себебі микроағзалардың антибиотиктерге төзімділігінің артуы болып табылады.
Антибиотиктерді орынды пайдаланудың келесі ережелерін есте ұстаңыз: антибиотикті дәрігер тағайындауы тиіс, препараттар тек өмірге қауіп төндірмейтін жағдайда микробтардың сезімталдығы анықталғаннан кейін ғана қолданылуы тиіс, антибиотик оңтайлы терапевтік дозада толық курспен қолданылуы қажет.
Дәрілік заттарды дұрыс қолдану, препараттардың тиімділігі мен мүмкін болатын жағымсыз әсерлері туралы, азаматтардың тегін дәрі-дәрмектерге құқықтары жайлы толық ақпаратты Сіз, Дәрі-дәрмек ақпараттық-талдау орталығының бірыңғай тегін телефон желісіне – 8 800 080 88 87 хабарласу арқылы біле аласыз.
Қоңырау шалып, өз сауалыңызды – www.druginfo.kz сайтына жолдаңыз. Біздің қызметіміз Сіздерге арналады!
Дәрі-дәрмек ақпараттық-талдау орталығы
ҚР ДСӘДМ «ДСДРО» ШЖҚ РМК.
