«Жасыл экономиканы» жүзеге асырудағы негізгі бағыттар». «Көкше» академия-сындағы семинар осылай аталды.
Шараның негізгі мақсаты жергілікті атқарушы органдардың өкілдері, үкіметтік емес ұйымдардың мүшелері, ғалымдар мен жоғары оқу орындарының ұстаздар — студенттерімен «жасыл экономика» бағдарламасының негізгі бағыттары мен мақсатын, оған көшу принциптерін талқылау болды.
Семинар барысында биология ғылымдарының докторы Әбілжан Құсайынов «жасыл экономика» табиғат ресурс-тарын қоғам әлеуеті үшін тиімді пайдалану екенін айтты. Осы орайда, су қорын пайдалануды жүйелендіру, энергия көзін жаңарту, «таза» көлік тұжырымдамасын енгізу қажет. Сол себепті, алдағы 20 жылдың ішінде еліміздегі барлық инфрақұрылымдар жаңғыртылады. Мәселен, 2030 жылы ғимараттар 55 пайыз, автотұрақтар 80 пайыз
қайта салынбақ. Ал, 2020 жылы тұрғындарды ауыз
сумен толықтай қамту көзделіп отыр. Сонымен қатар, егіншілік мәдениетін жақсарту жайы сөз болды. Ауыл шаруашылығын химиялық қоспаларсыз дамытып, таза өнімді өсіруге негіздеу қажет. Топырақтың құнарлылығын арттыру мақсатында көпжылдық шөп егу қажеттігі де сөз болды. Табиғи қуат көздерін қолданысқа енгізу жайы айтылды.
Сондай-ақ, осы мәселе төңірегінде филология ғылымдарының докторы, профессор Жанна Толысбаева, ауыл шаруашылығы ғылымдарының магистрі Динара Құдабаева, жаратылыстану ғылымдарының магистрі Айқын Нұрахмет, Зеренді ауданы әкімдігінің ішкі саясат бөлімінің басшысы Клара Сағындықова және басқалары тұшымды ойларын ортаға салды.
