Жер – біздің негізгі байлығымыз, оны бүкіл халықтың мүддесі үшін пайдалану – баршаның міндеті. Сондықтан, жерімізді барынша тиімді пайдаланатын болсақ, тиісінше оның игілігі де мол болары сөзсіз.
Өз басым «Жер» деген сөзді естісем, оның бидай баптаған диқан екені ойыма оралады. Себебі, диқан еңбегі қара жермен тікелей байланысты. Ол жердің қыр-сырын біледі. Диқан еңбегін табиғатпен, ауа райымен байланыстыра отырып өнімді молырақ алуға тырысады.
Сондықтан, Жер кодексіне енгізілген өзгерістерді дұрыс түсінгеніміз абзал. Бұл – ауылдық елді мекендердің әлеуметтік-экономикалық дамуын арттырып, халықтың жағдайын жақсартуға бағытталғаны анық. Одан біз ұтпасақ, еш ұтылмас едік. Бір сөзбен айтсақ, Жер кодексіне енгізілген өзгерістердің қажеттілігі де болды, егер осыны жауапты адамдар халыққа дер кезінде айтып, түсіндіргенде бөтен жағдай болмас еді. Бұл кім-кімге де болса, үлкен сабақ болатыны сөзсіз. Алдағы уақытта мұндайға жол берілмейді деп ойлаймын. Елбасы Нұрсұлтан Назарбаев Жер кодексінің төрт нормасына мораторий жариялау арқылы барлығын өз орнына қойды.
Ибрагим ЖАНҒОРАЗОВ,
«Ижевский» өндірістік кооперативінің бас директоры, Социалистік Еңбек Ері.
Аршалы ауданы.
