Қазақстан Республикасы Парламенті Мәжілісінің депутаттары аймақтарға арналған іс сапары кезінде сайлаушылармен кездесіп, Елбасы Н.Назарбаевтың әлеуметтік бастамаларының орындалу барысымен танысуда.
Ақмола облысы Целиноград ауданына қарасты Шалқар ауылының тұрғындарымен кездескен ҚР Парламенті Мәжілісінің депутаты, «Nur Otan» фракциясының мүшелері З.Аманжолова, Б.Хаменова, Ж.Дүйсенбаев және Б.Оспанов көпбалалы отбасылар мен тұрмысы төмен жанұяларға мемлекет тарапынан берілетін көмек тетіктерін баяндап берді. Осы орайда Қазақстан Республикасы Парламентінің қабырғасында талқыланған заң жобалары барысына да тоқтап өтті.
Халық қалаулыларымен кездесуге келген ауыл тұрғындары мақсатты әлеуметтік көмектің тағайындалуы, мүгедек бала тәрбиелеп отырғандардың жәрдемақысын көтеру, тұрғын үй алу, көпбалалы аналарға жасалатын көмек мәселері бойынша сұрақтар қойып, тұшымды жауап алды.
Сонымен қатар Шалқар ауылдық мектебінің ұжымы және ата-аналарымен кездескен депутаттар бюджеттік сала қызметкерлерінің жалақысының көтерілуі, мақсатты әлеуметтік жәрдемақының қайта есептелуі сынды мәселелер бойынша толық түсініктеме берді.
Халық қалаулылары бірінші кезекте Елбасы Нұрсұлтан Назарбаевтың әлеуметтік бастамаларының жүзеге асырылу барысы, оның ішінде, тұрмысы төмен және көпбалалы отбасыларды қолдау шараларына ерекше көңіл бөлінетіндігі айтты.
Жалпы, өңірлерді аралауға шыққан депуттар кездесу барысында осы бағытта қабылданған заңнамалық құжаттармен қатар, жалпы заңшығарушылық жұмыстар жөнінде баяндайды. Халық қалаулылары өндіріс орындарында, ауылшаруашылық және әлеуметтік нысандарда болып еңбек ұжымдарымен және жастармен кездеседі, сондай-ақ азаматтардың қоғамдық қабылдауын өткізеді деп жоспарлануда. Мәжіліс депутаттарының халықпен кездесуі облыс, аудан орталықтарымен қатар шалғайдағы елді мекендерді де қамтитын болады.
Динара Дүйсен
«Nur Otan»партиясы
Ақмола облыстық филиалының баспасөз хатшысы
