Баспасөз өз маңызын жоймайды

Ақмола облыстық төтенше жағдайлар департаментінің бастығы Алексей Советов журналистермен кездесіп, қазіргі қоғамдағы бұқаралық ақпарат құралдарының рөлі мен маңызы жөнінде сөз қозғады.

Қоғам тұрақтылығының маңызды бір кепілі бұқаралық ақпарат құралдары болып табылады. Көзі ашық, көкірегі ояу адамның өзі газет-журналсыз, радио мен теледидарсыз қарайып қалады. Яғни, БАҚ-тың көмегімен адам өз көзқарасын түзу ұстайды. Өз аудиториясын тұрақты ұлғайтқан бұқаралық ақпарат құралдары қоғамда үлкен беделге ие болып, азаматтарды жалпы әлеуметтік үрдістерге қатысуға тартады, олардың түсіністігіне ықпал етеді.
–Біздің департамент республикалық, облыстық, қалалық БАҚ-тармен белсенді араласады. Олар адамдар мен топтардың, халықтар мен мемлекеттердің өзара қарым-қатынасы үшін әрқашанда қажет. Бірлесе жұмыс істеудің маңызы ақпаратпен нақты алмасуды қолдау болып табылады. Қуаныштысы сол, сіздерге жіберген департамент ақпараты тұрғындар арасында өз оқырмандарын табады. Бұл сіздердің материалды кәсіби деңгейде беретіндеріңізден хабар береді. Сондай-ақ, сіздердің арқаларыңызда біз тек қана ақпарат беріп қоймай, адамдарды төтенше жағдайлардың алдын алуға және осы кезде өзін-өзі дұрыс ұстауға үйретеміз. Қазір әлемде уақыт үлкен маңызға ие болғанда оқырманға ақпарат жедел жететін әлеуметтік желінің қажеттілігі жоғары. Департамент жыл сайын өз қызметкерлерінің арасында оқырмандарды көбейту мақсатында тиісті газет пен журналдарға жазылады. Әлеуметтік желіге жазылу да көбейіп келеді,–деді Алексей Советов өз сөзінде.
«Арқа ажарының» өз ақпараты.

Пікір қалдыру

Міндетті өрістер таңбаланған Обязательные поля помечены *