Мемлекеттік тілдің қолданылу аясын кеңейту мақсатында 2017 жылы Ақмола облысы бойынша қылмыстық-атқару жүйесі департаментінің ЕЦ-166/24 мекемесінде мемлекеттік бағдарлама негізінде белгілі жұмыстар жүргізілді.
Осының нәтижесінде қазіргі уақытта мекеме қызметкерлерінің мемлекеттік тілде жүргізетін құжат айналымы 100 пайызды құрап отыр. Бұған мемлекеттік тілдегі кіріс-шығыс құжаттарының айналымына әр тоқсан сайын мониторинг жүргізілуі де игі ықпал етуде.
Сонымен қатар, барлық қызметкерлердің мемлекеттік тілді қаншалықты деңгейде білетіндігін бақылау және бағалау мақсатында мемлекеттік тілді оқып, үйрену орталығында «ҚАЗтест» бағдарламасы бойынша тестілеу сынақтары өтті. Ал, тіл саясатын жүзеге асыру мақсатында тіл жанашыры Бекзат Шалабайұлы Тасболатовтың қатысуымен «Ана тілім – баба тілім» атты тақырыпта ұйымдастырылған дөңгелек үстел мемлекеттік тілді меңгеру жолындағы тағы бір оң қадам болғаны анық. Сөз орайына қарай айта кетсек, мекемеде өткізілетін мұндай мәдени іс-шаралар түгелдей дерлік мемлекеттік тілде өтеді.
Динара Мұстафина,
ЕЦ-166/24 мекемесінің кадр жұмысы тобының аға инспекторы.
