Көкшетаудың «Оқжетпес» футбол командасы кезекті турда сырт алаңда Оңтүстік Қазақстан облысының «Мақтарал» командасын 2:0 есебімен ұтып, соңғы турдың нәтижесіне қарамастан, премьер-лигаға жолдама алды.
Бұл – ақмолалық жанкүйерлердің көптен күткен қуанышы еді. Сол жеңісті күнге де жеттік. Тек ендігі тілегіміз, аты зор командамыз келесі жылы жоғары топта да жақсы ойын өрнегін көрсетіп, бұрнағы жылдардағы «әттеген-айларымен» сан соқтырмаса екен. Қалай дегенде де, бұл жолдамаға оңай қол жеткізіп отырмаған жерлестеріміз жауапкершілікті барынша сезініп, өздеріне бұрын да сыралғы топта жаңаша серпін танытады деген сенімдеміз.
«Арқа ажарының» өз ақпараты.
