Аудандық прокуратураның араласуымен бірқатар жергілікті серіктестіктердің жұмысшыларына бірнеше ай бойы төленбей, жинақталып қалған еңбекақылары қайтарылды.
Өткен жылдың желтоқсан айында тексеріс жұмыстарын жүргізген аудандық прокуратура осы өлкедегі «Агрофирма Веденовка» және «Агрофирма Бурабай 2007» серіктестіктерінің заңсыз істерін анықтады. Біріншісі 191 жұмысшыға 2015 жылдың қыркүйек-желтоқсан айлары аралығында жалпы көлемі 24 миллион 229 мың теңгеден астам жалақыны төлемей келген болса, осындай жағдай «Агрофирма Бурабай 2007» серіктестігінде де орын алды. Бұл фирма басшылары жұмысшыларына еңбекқаларын төлейтіндіктерін айтып, үш ай бойы құрғақ уәде берумен келген. Аудан прокуратурасының араласуымен аталған серіктестікте жұмыс істейтін 231 адам 32 миллион 956 мың теңге көлеміндегі еңбекақыларын алды. Тексеріс жүргізілген бірінші серіктестік жұмысшылары да өздеріне тиесілі ақшаларына қол жеткізді.
Мағжан СӘЛІМОВ,
Бурабай аудандық прокуратурасының прокуроры.
