Облыста көктемгі дала жұмыстарын жүргізу үшін 77,1 мың тонна дизель отыны, 8,2 мың тонна бензин, 4,5 мың тонна май қажет. Өңірге Қазақстан Республикасының Энергетика министрлігі 65 мың тонна кепілдендірілген дизель отынын бөлді. Үкімет бұл дизель отынының құнын белгіледі. Оның бағасы 1 литріне 95,5 теңге. Кепілдендірілген дизель отынын «Қазмұнайгаз» өңдеу және маркетинг» акционерлік қоғамы мен «Петросун» серіктестігі тасымалдайды. Наурыз айында бөлінген дизель отыны аудандарға толық таратылып берілді. Оны одан әрі тасымалдау кестеге сәйкес жүргізілуде.
