Шоқан Уәлиханов атындағы Көкшетау мемлекеттік университетінде Қазақстан Республикасы Парламенті Мәжілісінің депутаты Галина Баймақанова осы оқу орнының оқытушылық-профессорлық құрамымен кездесу өткізді.
Шараны университеттің ректоры, техника ғылымдарының докторы, профессор Әбдімүтәліп Әбжаппаров ашып, жүргізіп отырды. Жиында депутат жоғары білім беру жүйесінің түйткілді мәселелері мен жер мәселесі, геология ғылымының даму дәрежесі жайында әңгіме сабақтады.
Бұдан соң оқытушылар талапкерлерді қабылдау үдерісі, мемлекеттік гранттарды бөлу жүйесі тақырыптары төңірегінде өздерін толғандырған сауалдарын қойды.
Сондай-ақ, бұл күні Абай Мырзахметов атындағы Көкшетау университетінде Қазақстан Республикасы Парламенті Мәжілісінің депутаттары Мұрат Теміржанов пен Майра Айсина студент жастар және профессорлық құраммен кездесіп, Қазақстан Республикасының Жер кодексіне енгізілген өзгертулер жөнінде түсініктеме берді.
«Арқа ажарының» өз ақпараты.
Суретті түсірген Берік ЕСКЕНОВ.
