Соңғы кезде өңіріміздегі электр қуатымен қамтамасыз ететін кәсіпорындар 2015 жылдың 25 ақпанындағы Қазақстан Республикасының Энергетика министрі бекіткен электр энергиясын пайдалану қағидаларының талаптарын жиі бұзуда. Тұтынушылар электр қуатының құнын төлемеген жағдайда тиісті хабарлама жасалмай, бірден электр желісінен ажыратылады. Осындай келеңсіздікті болдырмау үшін тиісті жұмыс жүргізілуде. Қағидалардың 51-тармағына сәйкес, электр қуатымен қамтамасыз ететін кәсіпорындар арнайы шартта белгіленген мерзімінде тұтынушылар төлем жүргізбесе ғана электр желісінен ажыратады. Ол үшін үш күн бұрын жазбаша хабарлама ұсынады. Ал, мекеме мен кәсіпорындарға бір ай бұрын электрондық пошта мен факсқа хабарлама жолдау арқылы ескерту жасалады. Егер талап орындалмаса, электр желісінен ажыратылатын болады.
Белгіленген мерзімде электр қуатының құны төленбеген жағдайда электр жүйесінен ажыратылатыны алдын ала ескертілуі керек. Осыған байланысты электр қуатымен қамтамасыз ететін кәсіпорындардың белгіленген мерзімнен бұрын электр желісінен ажыратуы қағидалардың 51-тармағында көрсетілген ережеге сәйкес келмейтінін хабарлаймыз.
Ержан ЕРТАЕВ,
Қазақстан Республикасы Энергетика министрлігі Атомдық және энергетикалық қадағалау мен бақылау комитетінің Ақмола облысы бойынша аумақтық департаментінің басшысы.
