Кеше Елбасы Нұрсұлтан Назарбаевтың Қаулысымен Денсаулық сақтау және әлеуметтік даму министрлігі жеке министрліктерге бөлініп, өзге министрліктердің функциялары мен өкілеттіктері белгіленді.
Қазақстан Республикасы Еңбек және халықты әлеуметтік қорғау министрлігі
Ол әлеуметтік және еңбек саласындағы мемлекеттік саясатты жүргізеді. Министрлік басшылығына Тамара Дүйсенова тағайындалды.
Қазақстан Республикасы Денсаулық сақтау министрлігі
Жаңа министрлікке бұрынғы Денсаулық сақтау және әлеуметтік даму министрлігінің вице-министрі болған Елжан Біртанов басшы болып келді.
Қазақстан Республикасы Инвестициялар және даму министрлігі
Енді министрлік экспортқа, сондай-ақ, архитектура, қала құрылысы, су тарту, коммуналдық шаруашылық сынды жұмыстарға жауапты болады. Бұрын бұл жұмыстарды Ұлттық экономика министрі қадағалайтын еді.
Ал, туризм саласы бұл министрліктің құзырынан Мәдениет және спорт министрлігіне берілді.
Қазақстан Республикасы Ұлттық экономика министрлігі
Халықтың санитарлық-эпидемиялық жағдайын бақылауда ұстап келген министрліктің құзырына енді бұл сала кірмейді. Себебі, енді оған жаңадан құрылған Денсаулық сақтау министрі жауапты.
Сондай-ақ, электр, жылу, газ мәселелері Энергетика министрлігінің қарауында болады.
