Қазір еліміз бойынша ұсақ-түйек дауларды сотқа жеткізбей, медиациялық жолмен қарауға арналған қанатқақты жоба жүзеге асырылуда.
Таяуда Қорғалжын аудандық сотында осы жобаны түсіндіруге арналған семинар өтті. Аудандық соттың төрайымы Х.Кембаева өткізген семинарда медиаторлардың араласуымен екі жақтың мүддесін ескере отырып, ортақ ұйғарымға келудің азаматтарға қаншалықты тиімді болатыны, медиация арқылы дауларды қарау тәртібі жайында жан-жақты әңгіме болды. Өкінішке орай, әзірге медиаторлардың қызметіне деген сұраныс оншалықты жоғары болмай тұр. Осы орайда, халық арасында түсіндіру жұмыстарын жүргізудің маңыздылығы семинар барысында жан-жақты әңгіме өзегіне айналды.
Облыстық соттың баспасөз қызметі.
Қорғалжын ауданы.
