Облыстық ішкі істер департаменті баспасөз қызметінің мәліметіне қарағанда, облыстық соттың қылмыстық істер жөніндегі апелляциялық сот алқасының төрайымы Жанна Бердіғұлова өз үйінде кісі қолынан қаза тапқан. 46 жастағы әйелді өлтірді деген күдікпен 1984 жылы туған Көкшетау қаласының тұрғыны ұсталды. Ол бұрын да ауыр қылмысы үшін сотты болған екен. Қазір күдікті уақытша тергеу изоляторына қамалып, тергеу жүргізілуде. Оған қарсы қылмыстық іс қозғалды.
«Арқа ажарының» өз ақпараты.
