Облыс әкімінің орынбасары Василий Крылов жұмыс сапарымен Атбасар ауданында болды.
Бірінші кезекте ол Атбасар қаласындағы 45 пәтерлі тұрғын үй құрылысының барысымен танысып, жұмыс сапасына ерекше назар аударды. Аудандық әкімдікте алдағы қысқы жылу маусымына дайындық туралы кеңес өтті. Ауданда жылу кестеге сәйкес қосылады деп күтілуде.
Екінші басты мәселе – 45 пәтерлік тұрғын үйлер мен инженерлік коммуникациялар құрылысы. Облыс әкімі орынбасарының қатысуымен өткен соңғы кеңестегі тапсырмалардың нәтижелері ортаға салынды. Құрылыс алаңының аумағын бейнекамерамен жабдықтау бойынша шарт жасалды. Құрылыс материалдарын жеткізу кестесі дайындалды.
– Алғашқы алты үй уақытында тапсырылуы тиіс, – деді Василий Крылов. Сондай-ақ, осы үйлерден пәтер алушылардың тізімін дайындау және аудан әкімінің сайтында жариялау қажеттігін атап өтті.
Кездесу соңында су тасқынынан қорғайтын бөгет бойынша жөндеу жұмыстарын жүргізу туралы мәселе қаралды.
Атбасар ауданы.
