2017 жылдан бастап Қазақстан Республикасының Тұңғыш Президенті Н.Ә. Назарбаевтың бастамасымен жүзеге асырылатын «Рухани жаңғыру» қоғамдық сананы жаңғыртудың Ұлттық бағдарламасы – болашаққа бағытталған батыл және өршіл жоба. Бәсекелік қабілет, прагматизм, ұлттық бірегейлікті сақтау, білімнің салтанат құруы, эволюциялық даму, сананың ашылуы – бағдарламалық мақалада айтылған заманауи қазақстандықтың даму векторлары. Міндеттердің көптүрлілігі қоғамның рухани өмірінің барлық бар спектрін қамтиды – бағдарламада 6 арнайы жоба: «Қазақ тілінің латын графикасына көшуі», «Қазақстанның киелі жерлерінің географиясы», «Туған жер», «100 жаңа оқулық», «Заманауи әлемдегі қазақстандық мәдениет», «Қазақстанның 100 жаңа тұлғасы». Өз кезегінде әрбір арнайы жобаның ішінде өздерінің кіші бағдарламалары дамып келеді.
Ал бізге бағдарлама туралы ақпарат жеткілікті ме?
Осы жылдың жазында өткен ауқымды әлеуметтік зерттеу біздің бағдарлама туралы ақпараттануымызға қатысты маңызды сұрақ – ақпараттық алаңның қанықтығының деңгейі қандай? дегенге жауап табуға тырысты. Шынында да, бізге Бағдарлама туралы түрлі ақпараттық ресурстар жеткілікті ме? Осы мақсаттар үшін сұхбаткерлерге бағдарламаның мазмұны мен іс-шаралары туралы олар жеткілікті ақпарат ала ма, соны бағалау ұсынылды.
Жауаптарды бөлу зерттеуге қатысушылардың бағдарлама туралы ақпарат деңгейіне қанағаттанғанын көрсетеді. Осылайша, оң жа-уаптар ұсынған сұхбаткерлердің жиынтық үлесі («Рухани жаңғыру» бағдарламасы жеткілікті немесе дұрысы жеткілікті дәрежеде көрсетіледі) 68,4 пайызға тең. Теріс жауаптардың жиынтық үлесі (дұрысы жеткіліксіз немесе жеткіліксіз көрсетіледі) 31,6 пайызға тең. Сарапшылардың пікіріне келетін болсақ, оларға күрделі екі деңгейлі сұрақ қойылды. Сарапшылар жалпы ел бойынша, сондай-ақ, олардың өз өңірі деңгейінде ақпараттық жарықтандыруды бағалаулары қажет болды. Сондай-ақ, көптеген сарапшылар ақпараттық қолдау деңгейі екі жағдайда да жеткілікті, ал республикалық өңірлік көрсеткіштен айырмашылығы 5 пайыздан аспайды деп санайды. Жалпы ел бойынша ақпараттық өрістің қанағаттанғысыз деңгейін сарапшылардың 9 пайызы, ал өңірлерде – 12 пайызы атап өтті.
Жалпы зерттеуге 2500-ден астам қазақстандық және 49 сарапшы қатысты.
Әлеуметтік зерттеу нәтижелері бойынша сараптамалық баяндамамен https://cisc.kz сайтында, «Ресурстар» бөлімінде танысуға болады.
«Рухани жаңғыру» бағдарламасының нәтижелерін бағалау мақсатында ұлттық әлеуметтік зерттеу Қазақстан Республикасы Ақпарат және қоғамдық даму министрлігінің бастамасымен «Азаматтық бастамаларды қолдау орталығы» жобасы аясында өткізілді.
