Ақмола облыстық ТЖД баспасөз қызметінің мәліметінше, бүгін сәуірдің 29-да сағат 17:34-те Бұланды аудандық ТЖБ кезекшілік бөліміне Макинск құс фабрикасының нөмір 7-ші ғимараты өртеніп жатқандығы туралы хабар түсті.
“Өртті ауыздықтауға ТЖД жеке құрамынан 10 адам, Макинск құс фабрикасының 7 жұмысшысы және мемлекеттік емес өртке қарсы қызметінің 3 қызметкері жұмылдырылды. Қызыл жалын 800 шаршы аумақтықты жарпыды.
Арада 43 минут өткенде өрт сөндірілді. Өрт болған ғимаратта тауық болған жоқ. Қазіргі кезде өрттің шығу себебі анықталып жатыр”, – деді ведомстводан.
Осы ретте, Ақмола облысының Төтенше жағдайлар қызметі тұрғындарға өрт қауіпсіздігі ережелерін сақтау керектігін еске салады, өрт болған жағдайда дереу «101» немесе «112» нөмірлеріне хабарласуды сұрайды.
