Ақмола облыстық Полиция департаменті баспасөз қызметінің мәліметінше, мамырдың 13-де Көкшетау қалалық ПБ жергілікті тұрғын хабарласып, 600 мың теңге ақшасының ұрланғанын айтқан. Ер адамның сөзінше, ол ақшаны протез сатып алуған жинақтаған.
«Жедел-іздестіру барысында ақшаны жәбірленушінің 54 жастағы ұлы ұрлағаны анықталды. Оны полиция мен еріктілер Бурабай ауданының аумағынан ұстады. Ер адам әкесінің қаражатын өз қажеттіліктеріне жұмсағанын мойындады. Қазіргі уақытта жәбірленуші ұлын кешіріп, бұрын берген өтінішінен бас тартты», — деді ведомстводан.
