Степногорскіде ата-анасының қамқорлығынсыз қалған балаларға  қайырымдылық акциясы ұйымдастырылды

«Балаларға күлкі сыйла» акциясын «Жақсы іске жаршы болған – автобус» жобасы шеңберінде Степногорск қаласының жоғары колледж студенттері мен «Степногорск подшипник заводы» АҚ, «Қазақалтын Technology» тау кен-металлургиялық концерні» ЖШС және «Алтыналмас» АҚ ұжымы бірлесіп өткізді.

Акция барысында волонтерлер Ақкөлдегі «Рассвет» лагерінде болды. Онда Урюпинка ауылындағы «Балабақша-мектеп-интернаты» арнайы кешенінің және Ақкөл қаласындағы №1 балалар үйінің тәрбиеленушілері демалып жатыр.

Қайырымдылық жұмыстары аясында, лагерде тәрбиеленіп жатқан балалардың көңілін көтеру үшін, бірқатар іс-шаралар ұйымдастырылды. Олардың ең қызықтысы колледж студенттері ұйымдастырған «Кариб теңізінің қарақшылары» атты ойыны болды. Онда балалар жұмбақтар, ептілік пен төзімділікке арналған интеллектуалды және ашық ойындар сияқты әртүрлі тапсырмаларды орындады. Балар өздерін қарақшылардың серігі сезініп, тамаша әсер алды.

Шара соңында «Степногорск подшипник заводы» АҚ, «Қазақалтын Technology» тау кен-металлургиялық концерні» ЖШС және «Алтыналмас» АҚ волонтерлері балаларға арналған спорттық ойындар ұйымдастырып, тәтті сый-сыяпат  жасады.

 608 Total Views,  4 Views Today

By Арқа ажары

Добавить комментарий

Ваш адрес email не будет опубликован. Обязательные поля помечены *

Өзге де жаңалықтар