Халықтың кірістері туралы мәліметтер

Ақмола облысының дене шынықтыру және спорт басқармасында жоғары және жоғары оқу орнынан кейінгі білім беру ұйымдарын қоспағанда, білім беру ұйымдары педагогтарының лауазымдық жалақысын белгіленген лауазымдық жалақы ставкаларына түзету коэффициентін пайдалана отырып, кезең-кезеңімен 2022 жылғы 1 қаңтардан бастап 1,75, 2023 жылғы 1 қаңтардан бастап 2,0 мөлшерінде көтеру жоспарланып отыр.

Азаматтық қызметшілердің, мемлекеттік бюджет есебінен ұсталатын ұйымдар қызметкерлерінің, қазыналық кәсіпорындар қызметкерлерінің лауазымдық жалақылары 2022 жылғы 1 қаңтардан бастап 1,23 мөлшерінде; 2023 жылғы 1 қаңтардан бастап 1,45 мөлшерінде; 2024 жылғы 1 қаңтардан бастап 1,71 мөлшерінде; 2025 жылғы 1 қаңтардан бастап 2,0 сомасында көтеріледі.

Медицина қызметкерлерінің лауазымдық жалақысы белгіленген ДО мөлшерлеріне түзету коэффициентін пайдалана отырып айқындалады. Біліктілігі жоғары деңгейдегі мамандарға (А блогының әкімшілік персоналы, В1, В2 блоктарының негізгі персоналы): 2022 жылғы 1 қаңтардан бастап 2,63,  2023  жылғы 1 қаңтардан бастап 2,73 мөлшерінде, біліктілігі жоғары және орташа деңгейдегі мамандарға (В3, В4 блоктарының негізгі персоналы): 2022 жылғы 1 қаңтардан бастап 1,95 мөлшерінде; 2023 жылғы 1 қаңтардан бастап 2,05 сомасында көтеріледі.

Облыстық әкімдік Қазақстан Республикасының ұлттық құрама командаларының құрамындағы спортшыларға республикалық және халықаралық жарыстарда көрсеткен нәтижелері үшін Қазақстан Республикасының спорт туралы заңына сәйкес ай сайынғы жәрдемақыны бекітті.

«Арқа ажарының» өз ақпараты.

 192 Total Views,  2 Views Today

By admin

Добавить комментарий

Ваш адрес email не будет опубликован.

Өзге де жаңалықтар