Заңсыз сақталған 50-ге жуық қару тәркіленді

Ақмола облыстық полиция департаментінің ұйымдастыруымен өңірімізде «Қару» жедел-профилактикалық іс-шарасы болып өтті.

Атыс қаруымен, оның ішінде тіркелмеген атыс қаруымен жасалатын қылмыстардың алдын-алу мақсатында өткен іс-шара барысында заңсыз сақталған 50-ге жуық қару тәркіленді.

Ақмола облыстық полиция департаментінің криминалдық полиция басқармасы бастығының орынбасары Арман Шәріповтың айтуынша, жедел-профилактикалық іс-шара барысында 17 тегіс ұңғылы, 5 травматикалық, 5 пневматикалық қару мен 22 оқ-дәрі тәркіленді.

Қазіргі таңда анықталған деректер бойынша арнайы сараптама жүргізіліп, тергеу өтуде. Мәселен, Ерейментау ауданы тұрғынының жекеменшік үйінің аумағында еш жерде тіркелмеген тегіс ұңғылы қару табылды. Осы ауданның тағы екі азамат полиция қызметкерлеріне өз еркімен «HATSAN» маркалы 4.5-ші калибрлі пневматикалық винтовка мен «Револьвер» тапаншасын тапсырған. Сандықтау ауданының Веселое ауылы тұрғынының жекеменшік гаражынан «ТОЗ-16» маркалы қос ұңғылы мылтық тәркіленді. Сонымен қатар, жедел алдын алу шарасы барысында Ақкөл ауданының 58 жасар тұрғынынан белгісіз маркалы тапанша, ұсақ калибрлі мылтықтан 19 патрон, 12 және 16 калибрлі қарудан гильза табылды. Ерекше екпін түсіріп айта кететін жәйт,еш жерде тіркелмеген қаруды өз еркімен тапсырған адамдар қылмыстық жауапкершіліктен толығымен босатылады.

«Арқа ажарының» өз ақпараты.

 

 

 

 

 216 Total Views,  2 Views Today

By admin

Добавить комментарий

Ваш адрес email не будет опубликован. Обязательные поля помечены *

Өзге де жаңалықтар