Қостанайда өрттен зардап шеккен отбасылардағы балалар «Балдәурен» лагеріне келуде

Қостанай облысындағы өрттен зардап шеккен отбасылардың балалары Щучинск қаласындағы «Балдәурен» республикалық оқу-сауықтыру лагеріне келе бастады. Қазірдің өзінде 11 оқушы лагерьге орналасты, олар онда оқып, емделеді.

«Балдәуренге» Қостанай облысының тұрғын үйлері өрттен зардап шеккен отбасылардың балалары аттанды. Лагерьге ата-аналарының келісімімен баспанасы бүлінбеген, бірақ қауіпсіздік мақсатында өрт қауіпті аймақтардан көшірілген отбасылардың балалары да келе алады.

«Сондай-ақ Алматыдағы бастауыш сынып оқушыларына бағытталған «Бөбек» оқу-сауықтыру орталығы да бастауыш сынып оқушыларын қабылдауға дайын. Балаларға күнделікті мәселелерді шешкенге дейін осында сауықтырудан өтуге және лагерьдегі мектепке баруға ыңғайлы болады. Оларға қолайлы жағдай жасалған», – дейді Балалардың құқықтарын қорғау комитеті төрағасының орынбасары Дулат Жекебаев.

Бұған дейін Оқу-ағарту министрлігі Қостанай облысындағы зардап шеккен балаларға көмек көрсету және оңалту мақсатында «Балдәурен» және «Бөбек» республикалық оқу-сауықтыру орталықтарына жолдамалар ұйымдастырған болатын.

Қазақстан Республикасының Оқу-ағарту министрлігі баспасөз қызметі.

 196 Total Views,  4 Views Today

By admin

Добавить комментарий

Ваш адрес email не будет опубликован. Обязательные поля помечены *

Өзге де жаңалықтар