Ерекше балалардың білім алуына тең қолжетімділікті қамтамасыз ету – қоғам алдындағы басты міндеттердің бірі. Бүгінгі таңда балаларға көмек көрсету, осы тұрғыда ата-аналарға кеңес беру үшін тиісті жағдайлар қарастырылған.
22 наурыз – жаңа жыл қарсаңында облыс орталығы Көкшетау қаласындағы Жайлау шағын ауданында орналасқан №21 мектеп-лицейінде қалалық білім беру бөлімінің басшысы Айгүл Нөгертаеваның қолдауымен инклюзияны қолдау кабинеті жұмысын бастады.
Білім алуда ерекше жағдайды қажет ететін балалар үшін инклюзияны қолдау кабинеттерінің маңызы өте зор. Себебі, мұнда олар жалпы білім беретін мектепке бейімделеді, әлеуметтенуге мүмкіндік алады.
Инклюзияны қолдау кабинетінде 21 ерекше балаға барлық қажетті жағдайлар жасалған, логопедтер сабақ өткізумен қатар, психологиялық қызмет жұмыс істейді, компьютерлерде сүйемелдеу ұйымдастырылған.
Алдағы уақытта кабинеттің ресми түрде тұсаукесері жоспарланып отыр.
Динара ҚОЖАБЕКОВА,
№21 мектеп-лицейінің қазақ тілі мен әдебиеті пәнінің мұғалімі,
оқу ісінің меңгерушісі.
