Ақмола облысының әкімі Марат Ахметжановтың айтуынша, өнеркәсіп саласындағы өндіріс көлемі 1,4 трлн теңгеге жетіп, өткен жылмен салыстырғанда 13% артты. Бұл ретте өңдеуші саладағы өндіріс көлемі 11,3%-ға, тау-кен өндіру саласында – 21%-ға ұлғайды.
«Тау-кен өндіру саласында – құрамында алтыны бар кендерді өндіруді ұлғайту, өңдеу өндірісінде – металлургия, тамақ өнімдері және машина жасау сияқты базалық салалардағы өсіс есебінен. Өңдеу өнеркәсібі пулы аясында 38,7 млрд теңгеге 9 жоба ұсынылды, барлық жобалар іске асырылды», – деді Ақмола облысының басшысы ОКҚ алаңында өткен баспасөз конференциясында.
Жобалардың ішінде – «Макинск құс фабрикасының» үшінші кезегі, кен өңдеу бойынша модульдік байыту фабрикасы, тракторлар, комбайндар шығару және т. б.
