Құны 500 млн. теңгеден асатын медициналық құрал ағзаның барлық тамырларын көрсетіп, олардың 3D реконструкциясын жасай алады.
«Германияда өндірілген жаңа заманауи ангиограф, жүрек және қан тамырлары ауруларын анықтауға, диагностикалауға және уақтылы емдеуге, стент қоюға, инфаркт кезінде операция жасауға, инсульттің алдын алып, мидағы қан ұйығышына әсер етуге мүмкіндік береді.
Медициналық көмекті тек Степногорск қаласының тұрғындары ғана емес, сонымен қатар облыстың барлық жақын аудандарының тұрғындары да ала алады. Операциялар жоспарлы түрде де, шұғыл түрде де жүргізіледі. Ағымдағы жылдың 6 ақпанында үшеуі сәтті орындалды, күніне 5-тен 15-ке дейін хирургиялық араласу жоспарланған», – деді бас дәрігердің орынбасары Одилхан Шеримов.
Azurion3m15 ангиографиялық жүйесі ауылдық денсаулық сақтауды жаңғырту бағдарламасы аясында сатып алынған және науқастар үшін сәулеленудің төмен дозасымен, сондай-ақ суреттердің жоғары сапасымен ерекшеленеді. Енді Степногорск көпсалалы қалалық ауруханасының дәрігерлері аппараттың көмегімен жүрекке, бүйрекке, өкпеге, миға операцияның қаншалықты қажет екенін анықтай алады.
Атап айтқанда, аймақта бұл төртінші ангиограф. Медициналық аппарат Атбасар көпсалалы ауданаралық ауруханасында орнатылды. Сондай-ақ, ұқсас жабдық шамамен бес жыл бойы Ақмола облысының денсаулық сақтау басқармасы жанындағы көпсалалы облыстық ауруханаларда сәтті пайдаланылуда.
Дереккөз: www.gov.kz
